🔥🐟 سر السمك المشوي اللي طعمه وريحتُه هيخلّوا كل اللي في البيت يسأل: عملتيه إزاي؟! 😍🔥 مش مجرد سمك على الجريل… دي تتبيلة هتدخل جوّه السمكة وتخلي الطعم من أول حتة لآخر حتة، والجلدة تطلع محمرة ومُحمّرة صح والسمك يفضل طري ومش ناشف 👌❤️ 🐟 المقادير: – 1 كيلو سمك مناسب للشوي مكريل او اي نوع بتحبيه – 6 فصوص توم – 1 بصلة صغيرة – 2 فلفل أخضر – 1 فلفل حار حسب الرغبة 🌶️ – عصير 2 ليمونة – 2 معلقة كبيرة خل
– 3 معالق كبيرة زيت – 1 معلقة كبيرة كمون – 1 معلقة كبيرة كزبرة ناشفة – 1 معلقة صغيرة بابريكا – 1 معلقة صغيرة فلفل أسود – 1 معلقة صغيرة شطة – 1 معلقة صغيرة ملح – ½ معلقة صغيرة كركم – ½ معلقة صغيرة ثوم بودر – ½ معلقة صغيرة بصل بودر – رشة صغيرة سكر – 1 معلقة كبيرة مستردة اختياري بس بتدي طعم رهيب 👌 – ½ معلقة صغيرة بهارات سمك
🔥 سر التتبيلة الجامدة: في الكبة حطي التوم + البصل + الفلفل الأخضر + الفلفل الحار + عصير الليمون + الخل + الزيت واضــ,,ـــــربيهم كويس جدًا. بعد كده ضيفي الكمون والكزبرة والبابريكا والفلفل الأسود والشطة والكركم والثوم البودر والبصل البودر والملح وبهارات السمك ورشة السكر والمستردة. اضــ,,ـــــربيهم ضــ,,ـــــربة كمان لحد ما يبقى عندك تتبيلة ناعمة ومتماسكة وريحتها تجنن 😍🔥 🐟 نجهز السمك صح: نضف السمك كويس جدًا من جوّه وبرّه، واعملي فيه شقوق مائلة وعميقة نسبيًا على الجانبين.
ودي أهم خطوة 👇 متكتفيش إنك تدهني التتبيلة على الوش بس! دخلي التتبيلة جوه الشقوق ومنطقة البطن ومن جوه السمكة، وافركي السمكة كلها بإيدك بالتتبيلة عشان كل جزء ياخد حقه. ولو عندك وقت، سيبيه متبل من نص ساعة لساعه في التلاجة. 💥 تكة بتفرق جدًا: قبل الشوي طلعي السمك من التلاجة بحوالي 15 دقيقة، وادهنيه بطبقة خفيفة زيت.معلقتين تلاته زيت ومتكترّيش التتبيلة السائلة على السمك وقت الشوي، عشان السمك يتحمر وياخد لون مشوي حلو بدل ما يسلق نفسه.
🔥 على الشبكه سخني اي شبكه موجوده عندك اوحتي صاج وحطي الشبكه علي صنيه وتسخن كويس جدًا الأول. حطي السمك على الشبكه وهي سخن، وسيبيه ياخد الصدمة ويتحمر من الناحية الأولى قبل ما تحاولي تقلبيه. الشبكه تكون في نص الفرن والفرن شغال من تحت وفوق بعد ما ياخد لون حلو، ممكن تقلبيه براحه على الناحية التانية.علشان ياخد اللون من كل مكان وأثناء الشوي ممكن تدهني عليه خليط بسيط من الزيت + نقطة ليمون + رشة كمون بفرشة، وده بيخلي الوش يلمع والريحة تبقى تحفة 😍🔥
الشوي يكون على حرارة متوسطه عشان السمكة تستوي من جوه من غير ما تتحــ,,ـــــرق من بره. 🤫 أهم 5 أسرار للسمك المشوي: 1️⃣ الشبكه لازم تكون ساخنه قبل ما تحطي السمك. 2️⃣ الشقوق في السمك مش منظر بس… دي اللي بتخلي التتبيلة تدخل للداخل. 3️⃣ متقلبيش السمك كتير؛ كل تقليبة زيادة ممكن تخليه يتفتت. 4️⃣ متكثريش الليمون وتسيبيه ساعات طويلة؛ الحمض لو زاد ممكن يغيّر قوام السمك.
5️⃣ آخر دقيقتين من الشوي خلي النــ,,ـــــار أهدى عشان ياخد لون حلو من غير ما ينشف. 🌶️ ولو عايزة الطعم يبقى نــ,,ـــــار: اعملي شوية من التتبيلة من غير ما تلمس السمك، وحطيها في طبق صغير، وزودي عليها نقطة ليمون وكمون وفلفل حار وقدميها جنب السمك.بتبقي تحفه هنا بقى هتلاقي كل لقمة بتاخدك لمستوى تاني خالص! 🤤🔥🐟 وقدميه مع سلطة طحينة + سلطة خضرا + بصل متبل بالليمون والكمون + عيش بلدي سخن… وهتلاقي السفرة اختفت في دقائق 😂❤️
💬 لو بتحبي السمك المشوي اكتبيلي: “عايزة تتبيلة السمك” وأنا أقولك كمان تتبيلة تانية بطعم المطاعم وتكة تخليه طري من جوه ومحمّر من بره 👌🔥 #سمك_مشوي #تتبيلة_السمك #سمك_على_الجريل #وصفات_سوزي #مطبخ_سوزي #أكلات_بحري #وصفات_سهلة