بعد ما تخرطي الملوخية لو مش هتفوريها علشان تفضل خضرا معاكي اسمعي مني الكلمتين دول لو عايزة ملوخيتك تطلع خضرا زي الزمرد، قوامها مظبوط، وطعمها يجنن، يبقى خدي بالك من التكات دي، لأنها هي اللي بتعمل الفرق الحقيقي. أولًا: بعد ما تخرطي الملوخية، لو مش هتفروريها أو تطبخيها على طول، غطيها بكيس نايلونأو بطبق، علشان متتعرضش للهوا وتنشف أو يتغير لونها. سر الشوربة اللي هيرفع طعم الملوخية: ضيفي في الشوربة: فص توم. طماطمية صغيرة مضروبة في الخلاط. رشة سكر بسيطة جدًا. رشة بيكنج صودا على طرف المعلقة للمحافظة على اللون الأخضر. مكعب مرقة لو بتحبي نكهته.
وأنتِ بتخطري الملوخية اخرطي معاها فصين توم. قرن فلفل أخضر. تكات هتفرق معاكي: الشوربة تكون سخنة جدًا قبل ما تنزلي الملوخية. انزلي بالملوخية بالتدريج مع التقليب برفق. أول ما تبدأ تغلي غلوة واحدة بس اطفي النار. لو قوامها تقيل زودي شوية شوربة سخنة. رشة كسبرة ناشفة مع التقلية بتدي نكهة تحفة. سيبيها ترتاح 5 دقائق قبل التقديم علشان الطعم يتجانس. ━━━━━━━━━━━━━━ نصائح مطبخية من سوزي لازم كل ست بيت تعرفها متسخنيش البيض أكتر من مرة، سواء كان مسلوق أو عجة أو مخفوق، والأفضل يتاكل بعد ما يتعمل أو يتسخن مرة واحدة فقط.
احفظي الدقيق في علبة محكمة الغلق بعيدًا عن الرطوبة، ومتخلطيش الدقيق القديم بالجديد. ولو صيف شيليه في درج التلاجه متغسليش المكرونة بعد السلق (إلا لو للسلطة)، واحتفظي بكوباية من مية السلق وضيفيها للصلصة، هتديها قوام وطعم أحلى. اخرمي عجينة البيتزا بالشوكة قبل الصلصة علشان متنفخش في الفرن. انقعي البطاطس في مية دافية مع خل وملح 20 دقيقة، وبعدها نشفيها كويس قبل القلي علشان تطلع مقرمشة. احفظي الجبنة في علبة محكمة الغلق، وممكن تحطي معاها قطعتين سكر لتقليل الرطوبة.وقرن فلفل أخضر وادعيلي
بقع الشاي والقهوة في المجات؟ افركيها بملح مع نقطة خل وهترجع تلمع. استخدمي الزبادي بدل اللبن في الكيك، هيديكي كيكة هشة وطعمها رائع. لو عايزة تحتفظي بالليمون للموسم كله، حطيه في أكياس بالفريزر، ولما تحتاجيه حطيه تحت مية جارية ثواني وهيبقى كأنه فريش. لو التوابل زادت في الأكل، ضيفي شوية زبادي أو كريمة حسب نوع الأكلة لتعديل الطعم. علشان الباذنجان ميسودش، انقعيه في مية وملح 15–20 دقيقة بعد التقطيع. للتخلص من النمل، رشي شوية بن أو حبوب فلفل أسود في أماكن دخوله.
الطاسات المليانة دهون؟ رشي عليها ملح قبل الغسيل وهتتنضف بسهولة. اتفاعلي ع البوست ب لايك وكومنت حلو منك علشان يوصلك إشعار بكل وصفاتي الجديدة والحصريه أول بأول لو استفدتي من التكات دي، متنسيش تعملي لايك وشير علشان غيرك يستفيد. لو الوصفة عجبتكم صلّوا على النبي ﷺ في التعليقات علشان تاخدوا أجر وأنا كمان ومتنسوش تعملوا لايك وشير علشان يوصل لكم كل جديد واكتبولي عايزين وصفة إيه الجاية